सुलेमानीमा नेपाली क्रिस्चियन समाजद्वारा सांस्कृतिक धमाका: अन्जु पन्त र स्थानीय कलाकारहरूको प्रस्तुति

थाङ्मीचागु डटकम सम्बादाता

मङ्गलबार १३ कात्तिक २०८१

प्रवास कुर्दिस्थान, सुलेमानी – नेपाली क्रिस्चियन सोसाइटी कुर्दिस्थान सुलेमानीले यो वर्ष पनि सांस्कृतिक एकता, नेपाली कला, र सम्पदालाई प्रवर्द्धन गर्न विशेष सांस्कृतिक धमाका कार्यक्रम आयोजना गर्न लागेको छ। आगामी डिसेम्बर ६, २०२४ मा ओस्कार हल नजिक रहेको सार्विनर मेल्ला हलमा सम्पन्न हुने यस कार्यक्रमले नेपाल र नेपालीपनलाई अझ उजागर गर्नेछ। कार्यक्रम बिहान १० बजे सुरु भई साँझ ५ बजेसम्म सञ्चालन हुनेछ।

कार्यक्रमको प्रमुख आकर्षणका रूपमा, राष्ट्रिय ख्याति प्राप्त गायिका अन्जु पन्तले आफ्नो प्रस्तुतिले प्रवासमा रहेका नेपाली समुदायलाई सांगीतिक मनोरञ्जन प्रदान गर्नुहुनेछ। अन्जु पन्तको प्रस्तुतिले नेपाली गीत-संगीत र संस्कृतिप्रतिको माया झल्काउने विश्वास गरिएको छ। साथै, नेपाली क्रिस्चियन समाजका संस्थापक मरियम लामाज्यूको विशेष उपस्थिति तथा जानकारी पनि यस कार्यक्रमको प्रमुख विशेषता रहनेछ। मरियम लामाले नेपाली समुदायमा सामाजिक र आध्यात्मिक चेतनाका विषयमा विशेष जानकारी दिने बताइएको छ।

यस कार्यक्रममा नेपाली कला र सांस्कृतिक विविधतालाई थप जीवन्त बनाउनका लागि स्थानीय कलाकारहरूको पनि आकर्षक प्रस्तुति हुनेछ। स्थानीय कलाकारहरूले नृत्य, गीत-संगीत, र विविध मनोरञ्जनात्मक प्रस्तुति मार्फत नेपालीपनलाई झल्काउने छन्, जसले सहभागीहरूलाई थप मनोरञ्जन प्रदान गर्नेछ र नेपाली सांस्कृतिक पहिचानलाई अझ मजबुत बनाउनेछ।

नेपाली क्रिस्चियन सोसाइटीका अध्यक्ष मर्कोस तामाङको नेतृत्वमा सम्पन्न हुन लागेको यस सांस्कृतिक धमाका कार्यक्रमले प्रवासमा रहेका नेपाली समुदायलाई एकत्रित गर्दै आफ्नो कला र संस्कृतिमा गर्व गर्ने वातावरण तयार पार्नेछ। आयोजक टोलीका अनुसार, यो कार्यक्रम सांस्कृतिक मनोरञ्जनका साथै सामाजिक सद्भाव बढाउने महत्वपूर्ण प्रयास हुनेछ।

कार्यक्रम विवरण:

आयोजक: नेपाली क्रिस्चियन सोसाइटी, कुर्दिस्थान सुलेमानी

स्थान: सचिनार ओस्कार हल

मिति: डिसेम्बर ६, २०२४

समय: बिहान १० बजे देखि साँझ ५ बजेसम्म

कार्यक्रमको व्यवस्थापनमा खटिएका टोलीका अनुसार, यो विशेष सांस्कृतिक धमाका कार्यक्रमले प्रवासमा रहेका नेपालीहरूलाई आफ्ना संस्कृति, भाषा, र मौलिकता प्रति गर्व महसुस गराउने छ।