थाङमिचागु डटकम संवाददाता
चरिकोट दोलखा

दोलखा । जिरी नगरपालिका–६ चेप्टेका आर्थिक रूपमा विपन्न तथा अपाङ्ग रत्नबहादुर जिरेललाई ३० हजार रुपैयाँ सहयोग गरिएको छ।

जिरी नगरपालिका–७ का वडा अध्यक्ष शान्त नेपालीको पहलमा हाल अमेरिकामा रहेका जिरी–७ निवासी समाजसेवी प्रमोद खड्काले जिरेलका लागि उक्त रकम सहयोग गरेका हुन्।

सहयोग रकममध्ये १५ हजार रुपैयाँ बराबरको खाद्यान्न जिरेललाई उपलब्ध गराइएको छ। बाँकी १५ हजार रुपैयाँ उनको औषधि उपचारका लागि आकाशदीप सहकारी संस्थामा जम्मा गरिने वडा अध्यक्ष नेपालीले जानकारी दिए।

आर्थिक अवस्था कमजोर रहेका जिरेलको दैनिक जीवनयापन तथा उपचारमा सहयोग पुगोस् भन्ने उद्देश्यले सहयोग गरिएको बताइएको छ।