​रोल्पाको भाङ्गोबारीमा सिमेन्ट बोकेको ट्रक दुर्घटना, चालकसहित दुई जना घाइते ।।।

माया स्याङ्तान,​ १२ मंसिर ।
रोल्पाको त्रिवेणी गाउँपालिका–२, भाङ्गोबारीमा सिमेन्ट बोकेको ट्रक दुर्घटना हुँदा दुई जना घाइते भएका छन् ।

​सहिदमार्गअन्तर्गत दुईखोलीतर्फ जाँदै गरेको ना १ क ३०५२ नम्बरको ट्रक भाङ्गोबारी भन्ने स्थानमा दुर्घटनामा परेको हो ।

​दुर्घटनामा ट्रक चालक हेटौडा उपमहानगरपालिका–१३ का विवेक सिंह तामाङ र ट्रकमा सवार रोल्पाको त्रिवेणी–७ का केशर वि.क. घाइते भएका छन् ।

​जिल्ला प्रहरी कार्यालय रोल्पाका अनुसार दुवै जनाको अवस्था सामान्य रहेको छ। घाइतेहरूलाई उपचारका लागि नुवागाउँ स्वास्थ्य चौकी पठाइएको प्रहरीले जानकारी दिएको छ ।
​