​दाउन्नेको त्रिसट्ठी मोडमा ग्यास बुलेट तेर्सिँदा पूर्व–पश्चिम राजमार्ग ठप्प ।।।

माया स्याङ्तान,​१२ मंसिर ।
पूर्व–पश्चिम राजमार्ग अन्तर्गत नवलपरासी (बर्दघाट सुस्ता पूर्व) को विनयी त्रिवेणी गाउँपालिका–२, दाउन्नेस्थित त्रिसट्ठी मोडमा ग्यास बुलेट दुर्घटना हुँदा राजमार्ग पूर्ण रूपमा अवरुद्ध भएको छ ।

​आज बिहान ६:०० बजे वीरगञ्जबाट भैरहवातर्फ जाँदै गरेको RJ 52 GB 3752 नम्बरको भारतीय खाली ग्यास बुलेट उकालो चढ्न नसकी पछाडि हट्ने क्रममा (ब्याक हुँदा) सडकमै तेर्सो परेको हो ।

​बुलेट सडकको बिचमै तेर्सिएका कारण अहिले दुईतर्फी रूपमै सवारी आवागमन बन्द भएको छ । राजमार्ग अवरुद्ध हुँदा गन्तव्यमा हिँडेका यात्रु तथा सवारी साधनहरू बाटोमै अलपत्र परेका छन् ।

सडक खुलाउने प्रयास भइरहेको छ।