आसमान नेपालद्वारा लहान नगरपालिकालाई कम्प्युटर, फर्निचरसहित १५ थरीका कार्यालय सामग्रीहरू सहयोग ।।।

थाङमिचागु डटकम संवाददाता

माया स्याङ्तान,असोज ३० ​लहान, सिरहा: आसमान नेपाल (Aasaman Nepal) नामक सामाजिक संस्थाले लहान नगरपालिकालाई कार्यालय सञ्चालनका लागि आवश्यक सामग्रीहरू सहयोग गरेको छ ।

​संस्थाले लहान नगरपालिकाको सेवा प्रवाहलाई थप प्रभावकारी बनाउने उद्देश्यले कम्प्युटर, प्रिन्टर, दराज, कुर्सी लगायतका १५ थरिका कार्यालय सञ्चालनका लागि आवश्यक सामग्रीहरू हस्तान्तरण गरेको हो ।

एक कार्यक्रमका बीच आसमान नेपालका प्रतिनिधिहरूले नगरपालिकाका प्रमुख महेश प्रसाद चौधरीलाई ती सामग्रीहरू हस्तान्तरण गरेका थिए ।

​सहयोग प्राप्त सामग्रीहरूमा इलेक्ट्रोनिक उपकरण, फर्निचर तथा अन्य प्रशासनिक कार्यका लागि प्रयोग हुने महत्वपूर्ण सामानहरू रहेका छन् । यी सामग्रीहरूबाट नगरपालिकाको दैनिक प्रशासनिक कार्यमा सहजता आउने विश्वास गरिएको छ ।

​लहान नगरपालिकाले आसमान नेपालले गरेको यस सहयोगप्रति आभार व्यक्त गर्दै, उक्त सामग्रीहरूलाई जनसेवामा उपयोग गर्ने प्रतिबद्धता जनाएको छ ।

नगरपालिकाका प्रमुखले संस्थाले स्थानीय तहको क्षमता अभिवृद्धिमा महत्त्वपूर्ण भूमिका खेलेकोमा धन्यवाद दिनु भएको छ ।