मिति: २०८२ साल बैशाख १३ गते, शनिबार
थाङमिचागु संवाददाता | काठमाडौं

काठमाडौं — देशभर दबिएका र वञ्चित आवाजहरूलाई राष्ट्रिय स्तरमा उजागर गर्ने अभियान आजबाट औपचारिक रूपमा सुरु गरिएको छ। राजधानी काठमाडौंमा आयोजित एक समारोहमा ‘थाङमिचागु डटकम’ अनलाइन मिडियाले “दबिएको आवाज, हाम्रो आवाज” भन्ने मूल नारासहित अभियानको शुभारम्भ गरेको हो।

कार्यक्रममा बोल्दै थाङमिचागु डटकमका प्रधान सम्पादकले भने, “समाजमा वर्षौँदेखि उपेक्षित समुदायका आवाजहरू हराइरहेका छन्। हाम्रो अभियान ती आवाजहरूलाई राष्ट्रिय मञ्चमा ल्याउन समर्पित छ।”

उक्त अवसरमा विभिन्न मानव अधिकारकर्मी, सामाजिक अभियन्ता तथा सञ्चारकर्मीहरूको समेत उपस्थिति रहेको थियो। उनीहरूले स्वतन्त्र र निष्पक्ष मिडियाको भूमिकालाई अझ सशक्त बनाउन यस्तो अभियान अत्यन्त आवश्यक रहेको धारणा व्यक्त गरे।

कार्यक्रममा सामाजिक विभेद, आर्थिक असमानता र अवसर अभावको चपेटामा परेका समुदायहरूको कथा उजागर गर्न पत्रकारहरूले विशेष प्राथमिकता दिनुपर्ने सुझाव पनि दिइयो।

थाङमिचागु डटकमले आगामी महिनाहरूमा देशभर विभिन्न स्थानमा समुदायसँग प्रत्यक्ष संवाद कार्यक्रम, मोबाइल पत्रकारिता तालिम, र जनस्तरको आवाजलाई अन्तर्राष्ट्रिय तहसम्म पु¥याउने विशेष योजना अघि सारेको जनाएको छ।

यसैबीच, सञ्चार तथा सूचना प्रविधि मन्त्रालयका एक अधिकारीले यस्ता पहललाई सरकारको तर्फबाट स्वागत गर्दै भने, “स्वतन्त्र पत्रकारितामार्फत दबिएका आवाज उजागर गर्नु नै लोकतन्त्रको आधार हो। हामी यस्ता अभियानलाई सहयोग गर्न तयार छौं।”

कार्यक्रम अन्त्यमा थाङमिचागु डटकमले सबै सञ्चारकर्मी र नागरिकहरूलाई आ–आफ्नो स्थानबाट दबिएका आवाजलाई उठाउन आह्वान गरेको थियो।