दोलखा, बिगु–८ थाङ्मीचागुमा आगलागी, मानबहादुर थामीको पसल पूर्ण रूपमा नष्ट

थाङ्मीचागु डटकम सम्बादाता १४ फागुन बुधबार २०८१

दोलखा जिल्लाको बिगु गाउँपालिका–८, थाङ्मीचागुमा गएराति ११:५० बजे अचानक आगलागी भएको छ। आगलागीबाट स्थानीय व्यापारी मानबहादुर थामी (उर्फ नोचे थामी) को पसल पूर्ण रूपमा नष्ट भएको छ।

स्थानीय प्रत्यक्षदर्शीका अनुसार आगलागी तीव्र गतिमा फैलिएको थियो, जसका कारण पसलका कुनै पनि सामान जोगाउन सकिएन। यद्यपि, मानवीय क्षति भने हुन नपाएको स्थानीय स्रोतले जनाएको छ। आगलागीको कारण अझै खुल्न सकेको छैन।

स्थानीय बासिन्दा तथा सुरक्षा निकायको प्रयासपछि आगो नियन्त्रणमा आएको हो। घटनाबारे थप अनुसन्धान भइरहेको छ।