थाङमिचागु चरिकोट दोलखा
थाङमिचागु डटकम संवाददाता

काठमाडौं । पाकिस्तानको ब्रड पिक आरोहणका क्रममा हिमपहिरोमा परी ज्यान गुमाएका तीन नेपाली आरोहीको शव नेपाल ल्याइएको छ।

ब्रड पिक आरोहणका क्रममा ज्यान गुमाएका किली पेम्बा शेर्पा ‘किलु’, ग्यालु शेर्पा र निमा शेर्पाको शव नेपाल ल्याइएको हो।

हिमपहिरोमा परी आरोहीहरूको निधन भएपछि आवश्यक प्रक्रिया पूरा गरी शव नेपाल ल्याइएको जनाइएको छ। उनीहरूको शव नेपाल आइपुगेपछि परिवारजन, आफन्त तथा शुभेच्छुकहरू शोकमा डुबेका छन्।

हिमाल आरोहणका क्रममा ज्यान गुमाएका तीनै जना आरोहीप्रति श्रद्धाञ्जली अर्पण गर्दै परिवारजनमा गहिरो समवेदना व्यक्त गरिएको छ।

उच्च हिमाली क्षेत्रमा हुने आरोहणका क्रममा मौसममा आउने अचानक परिवर्तन, हिमपहिरो तथा अन्य जोखिमका कारण नेपाली आरोहीहरूले समय–समयमा ज्यान गुमाउँदै आएका छन्। ब्रड पिकमा भएको यो घटनाले हिमाल आरोहणको जोखिमपूर्ण पक्षलाई पुनः उजागर गरेको छ।