सेमिफाइनलमा प्रवेश, वडा नं ५ विरुद्ध २-० को सहज जित ।।।

थाङमिचागु डटकम संवाददाता

विनोद अविरल, असोज २५, सिराहा ।
सिराहा जिल्लाको धनगढीमाई नगरपालिका–४ स्थित रामजानकी खेलमैदानमा जारी नगरस्तरीय वडा कप फुटबल प्रतियोगितामा वडा नं १४ ले प्रभावशाली प्रदर्शन गर्दै सेमिफाइनलमा स्थान सुरक्षित गरेको छ ।

रामजानकी स्पोर्टस क्लब, धनगढीमाई–४ द्वारा आयोजित प्रतियोगितामा आज भएको खेलमा वडा नं १४ ले वडा नं ५ लाई २–० ले पराजित गर्दै सहज जित हासिल गरेको हो ।

खेलको सुरुदेखि नै आक्रामक रणनीतिमा उत्रिएको वडा नं १४ ले गोल गर्दै आफ्नो अग्रता कायम राख्यो ।

प्रतियोगितामा स्थानीय युवाको उल्लेखनीय सहभागिता रहेको छ भने खेलप्रेमी दर्शकहरूको उल्लेख्य उपस्थिति मैदानमा देखिएको छ । आगामी सेमिफाइनल खेलमा वडा नं १४ ले अझ बलियो टिमसँग प्रतिस्पर्धा गर्ने अनुमान गरिएको छ ।

नगरको खेल क्षेत्रमा युवालाई सक्रिय बनाउने उद्देश्यले आयोजना गरिएको यो प्रतियोगिता स्थानीय स्तरमा खेल विकासका लागि एक महत्वपूर्ण प्रयासका रूपमा हेरिएको छ ।