गाई काटेको आरोपमा २ पक्राउ

बाँके: बाँकेको नेपालगञ्ज उपमहानगरपालिका–१६ स्थित जयसपुरबाट प्रहरीले गाईको मासुसहित दुई जनालाई पक्राउ गरेको छ ।

गाई काट्दै गरेको सूचनाको आधारमा गएको प्रहरी टोलीले नेपालगञ्ज उपमहानगरपालिका–१७ थुकैलाका ४६ वर्षीय सलाउद्दीन जोलाहा र सोही ठाउँका ५३ वर्षीय बदरुद्दीन जोलाहालाई डेढ क्विन्टल गाईको मासुसहित पक्राउ गरिएको जिल्ला प्रहरी कार्यालय, बाँकेले जनाएको छ ।

उनीहरुबाट गाई काट्न प्रयोग हुने औजारसमेत प्रहरीले बरामद गरेको छ । उनीहरुलाई थप अनुसन्धान गरिएको र प्रमाण सहित गौबधसम्बन्धी मुद्दा चलाइने प्रहरीले जनाएको छ ।