कुर्दिस्तानको सुलेमानीमा ‘दशैँ धमाका २०८३’ भव्य रूपमा सम्पन्न

मिति: २४ अक्टोबर २०२६
स्थान: सुलेमानी, कुर्दिस्तान, इराक

सुलेमानी, कुर्दिस्तान। इराकको कुर्दिस्तानस्थित सुलेमानीमा आयोजित ‘दशैँ धमाका २०८३’ सांस्कृतिक कार्यक्रम भव्य रूपमा सम्पन्न भएको छ। प्रवासमा नेपाली कला, संस्कृति, परम्परा र चाडपर्वको संरक्षण तथा प्रवर्द्धन गर्ने उद्देश्यले आयोजित कार्यक्रममा विविध सांस्कृतिक तथा सांगीतिक प्रस्तुतिहरू प्रस्तुत गरिएका थिए।

कार्यक्रममा नेपाली चर्चित गायक विश्व दोङको दमदार सांगीतिक प्रस्तुति मुख्य आकर्षणका रूपमा रहेको थियो। उहाँको सशक्त गायनले कार्यक्रममा उपस्थित दर्शकलाई मनोरञ्जन प्रदान गर्नुका साथै दशैँको उमङ्ग र उत्साहलाई थप बढाएको थियो।

प्रमुख अतिथि तथा अतिथिहरूको उपस्थिति

कार्यक्रममा नेपाल तामाङ घेदुङ कुर्दिस्तानका अध्यक्ष श्याम मक्का तामाङ प्रमुख अतिथिका रूपमा उपस्थित हुनुहुन्थ्यो। त्यसैगरी, नेपाली महिला समाज कुर्दिस्तान, सुलेमानीकी अध्यक्ष सोनी तामाङ र गैरआवासीय नेपाली संघ (NRNA), इराककी महिला उपाध्यक्ष इन्दिरा खनालाचार्यको उपस्थिति रहेको थियो।

अन्य अतिथिहरूमा FDCDO का संस्थापक हामा हजार, थाङ्मीचागु डटकमकी प्रबन्ध निर्देशक सरिता बल तामाङ, कार्यक्रम संयोजक राजिन कुमार लिम्बू तथा सहसंयोजक निम छोले शेर्पा लगायत विभिन्न संघसंस्थाका प्रतिनिधि, समाजसेवी र नेपाली व्यवसायीहरू सहभागी भएका थिए।

विभिन्न समुदायका प्रतिनिधिहरूको सहभागिता

कार्यक्रममा INDIAN ASSOCIATION SULEMANI का अध्यक्ष JOJIO CHANKU तथा PRAVIN NETRAKAR, INDIAN ASSOCIATION ERBIL का संस्थापक HAJIM लगायत कुर्दिस्तानमा सक्रिय नेपाली तथा अन्य समुदायका संघसंस्थाका प्रतिनिधिहरूको सहभागिता रहेको थियो।

त्यसैगरी, मानव सेवा समाजकी प्रतिनिधि सृष्टि शेर्पा, नेपाल तामाङ घेदुङ कुर्दिस्तान, इराकका संस्थापक अध्यक्ष चाइखा तामाङ, बुद्धियन समाज सुलेमानीका अध्यक्ष, सुलेमानी एकीकृत मण्डलीका अध्यक्ष तथा बुद्धियन समाज एर्बिलका अध्यक्ष अविलेक राई लगायत सामाजिक तथा सामुदायिक संस्थाका प्रतिनिधिहरू कार्यक्रममा उपस्थित थिए।

नेपाली व्यवसायीहरूको उपस्थिति

सुलेमानीमा व्यवसाय सञ्चालन गर्दै आएका नेपाली व्यवसायीहरू अर्जुन तामाङ, दिनेश बुढका, अनुप श्रेष्ठ, फक्चिलाल मगर, पासाङ बाङ्गेल, सुनिता डोड, धिरज मगर, सोनाम शेर्पा, सुजन मगर, लक्ष्मी तामाङ र विनोद लमुन लगायतको सहभागिता रहेको थियो।

नेपाली कला, संस्कृति र एकताको सन्देश

दशैँ विशेष सांस्कृतिक तथा सांगीतिक प्रस्तुतिमार्फत नेपाली मौलिक कला, संस्कृति र परम्पराको झल्को प्रस्तुत गरिएको थियो। कार्यक्रममा प्रवासमा रहेका नेपालीहरूबीच आपसी एकता, भाइचारा, सद्भाव र सहकार्यलाई निरन्तरता दिनुपर्ने सन्देशसमेत प्रवाह गरिएको थियो।

कार्यक्रमको प्रत्यक्ष प्रसारण थाङ्मीचागु डटकममार्फत गरिएको थियो। प्रत्यक्ष प्रसारणले कार्यक्रममा भौतिक रूपमा उपस्थित हुन नसकेका नेपाल तथा विश्वका विभिन्न स्थानमा रहेका नेपाली दर्शकलाई समेत सांस्कृतिक उत्सवसँग जोडिने अवसर प्रदान गरेको थियो।

प्रवासमा नेपाली भाषा, कला, संस्कृति र परम्पराको संरक्षण तथा प्रवर्द्धनका साथै विभिन्न समुदायबीच आपसी सद्भाव अभिवृद्धि गर्न यस्ता कार्यक्रमले महत्त्वपूर्ण भूमिका खेल्ने विश्वास व्यक्त गरिएको छ।

समाचार स्रोत: थाङ्मीचागु डटकम