दुर्गम बेतहामा थाङ्मीचागु डटकमको प्रधान सम्पादक पत्रकार बिनोद मण्डलको प्रत्यक्ष अवलोकन स्थानीयवासीको समस्यामाथि राज्यको ध्यानाकर्षणको माग ।।।

सिराहा, २०८२ मंसिर ६ — लाहान–१५ बेतहामा पत्रकार आगमन, स्थानीयवासीको हार्दिक स्वागत

सिराहा जिल्ला, लाहान–१५ अन्तर्गत पर्ने दुर्गम बस्ती बेतहा पुगेका पत्रकारलाई स्थानीयवासीहरूले आत्मीय स्वागत गरेका छन्।
थाङ्मीचागु डटकमका प्रधान सम्पादक बिनोद मण्डलले स्थानीयसँग प्रत्यक्ष संवाद गर्दै बस्तीमा विगत वर्षौँदेखि चुलिँदै गएको समस्या तथा अवस्थाबारे विस्तृत जानकारी लिएका थिए।

स्थानीयहरूले आफ्नो आवाज प्रस्तुत गर्दै भने—
“हाम्रो बस्तीमा पिउने पानीको गम्भीर समस्या छ। सडक असहज र जोखिमपूर्ण छ। विद्यालय सुविधा कमजोर छ र स्वास्थ्य सेवा अझै टाढा छ।
यी आधारभूत समस्या समाधानका लागि हामी राज्यको ध्यानाकर्षण गर्न चाहन्छौँ।”

समस्याको वास्तविकता प्रत्यक्ष सुनेपछि पत्रकार बिनोद मण्डलले प्रतिबद्धता जनाउँदै भने—
“तपाईंहरूको समस्या अत्यन्त गम्भीर छ।
म यसलाई प्राथमिकता दिएर समाचारमार्फत सम्बद्ध निकायको ध्यानाकर्षण गराउनेछु।”

बेतहाका स्थानीयवासीहरूले पनि राज्यले आफूहरूलाई दीर्घकालीन विकासको दायराभित्र समेटोस भन्ने अपेक्षा व्यक्त गरे
“सडक, शिक्षा, स्वास्थ्य र खानेपानीजस्ता आधारभूत आवश्यकता पूरा गर्न सरकारको प्रभावकारी पहल अनिवार्य छ।”

बिनोद मण्डल
प्रधान सम्पादक, थाङ्मीचागु डटकम
मिति: २०८२ मंसिर ६