थाङमिचागु चरिकोट दोलखा
थाङमिचागु डटकम संवाददाता

नेपाल थामी समाज केन्द्र, काठमाडौंको आयोजनामा ३२औँ विश्व आदिवासी जनजाति दिवस–२०८३ काठमाडौंको खुलामञ्चमा भव्य रूपमा सम्पन्न भएको छ।

पहिचान, अधिकार, भाषा, संस्कृति, परम्परा र समानताको साझा आवाजसहित आयोजना गरिएको कार्यक्रममा थामी समुदायसहित विभिन्न आदिवासी जनजाति समुदायका प्रतिनिधि, अगुवा, युवा तथा शुभेच्छुकहरूको सहभागिता रहेको थियो।

कार्यक्रममा आदिवासी जनजातिको मौलिक पहिचान, भाषा र संस्कृतिको संरक्षण तथा संवर्द्धनसँगै राज्यका हरेक तहमा समान अधिकार, सम्मानजनक प्रतिनिधित्व र सहभागिता सुनिश्चित गर्नुपर्नेमा जोड दिइएको थियो।

विभिन्न सांस्कृतिक प्रस्तुति, मौलिक भेषभूषा तथा झाँकीले कार्यक्रमलाई थप आकर्षक बनाएको थियो। सहभागीहरूले आफ्नो मौलिक संस्कृति र पहिचानको संरक्षण गर्दै अधिकार प्राप्तिका लागि एकताबद्ध भएर अघि बढ्ने प्रतिबद्धता व्यक्त गरेका थिए।

नेपाल थामी समाज केन्द्र, काठमाडौंले आदिवासी जनजाति समुदायको भाषा, संस्कृति, परम्परा र पहिचानको संरक्षण तथा अधिकारका सवालमा निरन्तर आवाज उठाउँदै आएको जनाएको छ।