दार्जिलिङमा दुर्घटनापछि दोलखा थाङ्मीचागुका देवा थामीको निधन
थाङ्मीचागु डटकम
मिति: २०८२ फागुन १४ गते (२६ फेब्रुअरी २०२६)

दोलखा जिल्ला, बिगु गाउँपालिका–८ थाङ्मीचागु निवासी देवा थामीको भारतको दार्जिलिङमा दुर्घटनापछि दुःखद निधन भएको छ।

रोजगारीका सिलसिलामा दार्जिलिङमा कार्यरत रहँदा काम गर्ने क्रममा लडेर उहाँको टाउकोमा गम्भीर चोट लागेको थियो। करिब एक सातासम्म उपचाररत रहनुभएका थामीको अन्ततः उपचारकै क्रममा निधन भएको पारिवारिक स्रोतले जनाएको छ।

उहाँको असामयिक निधनले परिवार, आफन्त तथा थाङ्मी समुदायमा गहिरो शोक छाएको छ। स्वर्गीय देवा थामीप्रति हार्दिक श्रद्धाञ्जली व्यक्त गर्दै शोकसन्तप्त परिवारजनमा धैर्यधारण गर्ने शक्ति प्राप्त होस् भन्ने कामना गरिएको छ।