प्रधानमन्त्री–दलबीच संवाद लम्बियो, एमालेले सरकारप्रति शंका व्यक्त गर्‍यो तर चुनावको विरोध गरेन

थाङमिचागु डटकम संवाददाता

काठमाडौँ, कार्तिक ४ — प्रधानमन्त्री सुशीला कार्कीले राजनीतिक दलहरूसँग बालुवाटारमा गरेको संवाद अझै लम्बिएको छ।मंगलबार दिउँसोदेखि सुरु भएको छलफल करिब चार घण्टा भन्दा बढी चलेको र अझै केही समय जारी रहने बताइएको छ।

सरकारका प्रवक्ता जगदीश खरेलका अनुसार, संवादमा विघटित संसद्मा प्रतिनिधित्व गरेका ११ दलका नेताहरू र दुई जना पर्यवेक्षक सहभागी छन्।
छलफलको विषय आगामी प्रतिनिधि सभा निर्वाचनलाई निष्पक्ष र सुरक्षित बनाउने तयारीमा केन्द्रित रहेको बताइएको छ।

नेताहरूले चुनावमै जाने सहमति जनाएका छन्, तर नेकपा (एमाले) का महासचिव शंकर पोखरेल र उपमहासचिव प्रदीप ज्ञवालीले “यो सरकारले चुनाव गराउन सक्ला कि नस्क्ला” भन्ने शंका प्रकट गरेका छन्।
तर, उनीहरूले चुनावको विरोध भने गरेका छैनन्, प्रधानमन्त्रीको सचिवालयले जनाएको छ।

छलफलमा सहभागी दल र प्रतिनिधि:

एमाले: शंकर पोखरेल, प्रदीप ज्ञवाली

नेपाली कांग्रेस: धनराज गुरुङ, गगनकुमार थापा

माओवादी केन्द्र: वर्षमान पुन, पम्फा भुसाल

रास्वपा: डा. स्वर्णिम वाग्ले, सोविता गौतम

राप्रपा: राजेन्द्र गुरुङ, मोहन श्रेष्ठ

जसपा: उपेन्द्र यादव, प्रकाश अधिकारी

अन्य दलहरूबाट समेत सहभागिता

पर्यवेक्षकका रूपमा केदारभक्त माथेमा र विद्याधर मल्लिक उपस्थित छन्।

कांग्रेसका नेताहरूले भदौमा भएको जेन–जी आन्दोलनका हिंसात्मक घटनालाई उदाहरण दिँदै “सुरक्षा प्रत्याभूति बिना निष्पक्ष चुनाव सम्भव छैन” भन्दै सरकारको ध्यानाकर्षण गराएका छन्।