श्री कालिञ्चोक माध्यमिक विद्यालय थाङ्मीचागुमा पुस्तकालय उद्घाटन तथा विद्यालय व्यवस्थापन समिति (विव्यस) गठन
2026-01-11नेपाली राजदूतावास मलेसिया, नेपाल थामी समाज मलेसिया र नेपाल आदिवासी जनजाति महासंघको समन्वयमा मनबहादुर थामी स्वदेश फिर्ता
2026-01-11नेपाली दूतावास र एनआरएनए मलेसिया उपाध्यक्ष बालध्वज लिम्बूको सहयोगमा नासिर मियाको सफल उद्धार
2026-01-09
लहानका ‘जेन–जी’ युवाहरूले जगाए प्रेरणा : ऐतिहासिक सलहेश फूलबारीमा सफल सरसफाई अभियान
लहानका ‘जेन–जी’ युवाहरूले जगाए प्रेरणा : ऐतिहासिक सलहेश फूलबारीमा सफल सरसफाई अभियान
थाङमिचागु डटकम संवाददाता

“जोश, सक्रियता र प्रेमले स्थानीय धार्मिक तथा पर्यटकीय स्थलको सौन्दर्य पुनः चम्कियो”
सिरहाको ऐतिहासिक, धार्मिक र सांस्कृतिक महत्व बोकेको सलहेश फूलबारीमा आज लहानका ‘जेनेरेसन–जेड (Gen-Z)’ युवाहरूले एक वृहत् सरसफाई अभियान सञ्चालन गरेका छन्।
हाम्रो सम्पदा, हाम्रो जिम्मेवारी” भन्ने मूल नाराका साथ सञ्चालन गरिएको यस अभियानमा लहानका युवाहरूको उत्साहपूर्ण सहभागिता देखिएको थियो।
लोकनायक राजा सलहेशको अमर गाथा र प्रत्येक वर्ष वैशाख १ गते मात्र फुल्ने सुनाखरी फूल (हारमको रुखमा बेरिएको) का कारण चर्चित यो फूलबारी पछिल्लो समयमा संरक्षण र सरसफाईको कमीका कारण फोहोर बन्दै गएको थियो।
युवाहरूको आजको सक्रियताले भने फूलबारीको हरियाली, सौन्दर्य र धार्मिक गरिमामा नयाँ ऊर्जा थपेको छ।
अभियानमा संलग्न युवाहरूले मन्दिर परिसर, पोखरी क्षेत्र र आसपासका स्थानहरूमा जम्मा भएका प्लास्टिक, कागज र अन्य फोहोर वस्तुहरू संकलन गरी व्यवस्थापन गरेका थिए।
अभियानपछि फूलबारी परिसर पुनः सफा र आकर्षक बनेको देखिएको छ।
अभियानका संयोजक युवाले भने,
“सलहेश फूलबारी हाम्रो इतिहास, संस्कार र पहिचान हो। यसलाई संरक्षण गर्नु हाम्रो पुस्ताको कर्तव्य हो। यस्तो पवित्र स्थानको सरसफाईमा योगदान दिन पाउँदा गर्व महसुस भएको छ।”
स्थानीयवासीहरू युवाहरूको यस्तो सकारात्मक पहलप्रति हर्षित बनेका छन्।
उनीहरूले भने
“युवाहरूको जोश र प्रेमले यो स्थल पुनः जीवन्त बनेको छ। यस्तो उदाहरणीय कामले अरू ठाउँका युवाहरूलाई पनि प्रेरणा दिनेछ।”
युवाहरूको यो जागरणले स्थानीय सम्पदाको संरक्षण, धार्मिक पर्यटनको प्रवर्द्धन र सामुदायिक चेतना अभिवृद्धिमा महत्वपूर्ण योगदान पुर्याएको छ।
लहानका ‘जेन–जी’ युवाहरूको यो सक्रियता नयाँ पुस्ताको जिम्मेवार सोच र कार्यदक्षताको प्रतीकका रूपमा हेरिएको छ।





