धनगढीमाई १२ मा नेकपा एमालेको जनवर्गीय संगठन गठन ।।।

थाङमिचागु डटकम संवाददाता

विनोद मण्डल, माघ ४ । सिराहा जिल्लाको धनगढीमाई –१२, मा नेकपा एमालेको जनवर्गीय संगठनहरू गठन गर्ने उद्देश्यले वडा भेलाको आयोजना गरिएको थियो ।

एमालेका नेता जय प्रकाश शर्माको अध्यक्षतामा आयोजित कार्यक्रममा जिल्ला,प्रदेश लगायतका नेता तथा कार्यकर्ताहरुको उपस्थिति रहेको थियो ।

आयोजित कार्यक्रममा नेताहरु रामस्वरुप सदाय, शिवशंकर महतो, राष्टिय युवा संघका जिल्ला कमिटी सदस्य राम कुमार साह लगायतका नेताहरुले पार्टीका समसामायिक विषय केन्द्रित सम्बोधन गरेका थिए ।

कार्यक्रमका प्रमुख अतिथिले नेकपा एमालेको जनवर्गीय संगठनहरुको सशक्तीकरण र स्थानीय नेतृत्वको विकासमा यस प्रकारका वडास्तरीय कमिटीहरूको योगदान महत्त्वपूर्ण हुने बताउनु भएको थियो । साथै, मधेश प्रदेश सदस्य रामस्वरुप सदायले संगठनको एकता र जनहितका लागि पार्टीका कमिटीहरुको निर्माण आवश्यक रहेको र यसले पार्टीको स्थानिय तहमा सशक्त आधार बनाउने विश्वास व्यक्त गरेका थिए ।

नेकपा एमालेका जनवर्गीय संगठनहरु राष्टिय युवा संघ, अ.ने.म.संघ र अ.ने.किसान महासंघका वडा कमिटीहरुको गठन भएको उक्त पार्टीले जनाएको छ ।