थाङ्मीचागु डटकम, संवाद दाता २०८१ कार्तिक १४

नेपालहरुकाे महान चाड तिहार(बलिहाङ पर्व) मा  दोलखामा रात्रीकालिन समयमा  देउसीभैलो खेल्न निशेध गरिएकाे छ । जिल्ला प्रशासन कार्यालय दोलखाले बुधबार एक सुचना सार्वजनिक गर्दै राति १० बजे देउसी भैलो खेल्न नपाउने  गरि प्रतिबन्ध लगाएकाे छ ।

तिहारकाे दिपावलीकाे क्रममा , पटका , गाेले बम , भुईचम्पा  आतिसवाजी  प्रज्वलशील  विस्फाेटक  ओसापसार, विक्री वितरण र प्रयोग गरि पडकाउने काम गर्न नगराउन र   चाड मनाउने नाममा मादक पदार्थको सेवन गरी समाजमा शान्ति सुरक्षा र सार्वजनिक स्थलमा हाेहल्ला लगायतका असमान्य गतिविधि गर्न गराउने कार्य नगर्न सचेत गराईएकाे छ । साथै मनाेरञ्जनकाे नाममा  जुवातास, कौडा, गोटी तथा लङगुरबुर्जा जस्ता खेलशरु  नखेल्न पनि जिल्ला  प्रशासनले सूचना मार्फत सर्वसाधारण सबैलाई जानकारी गराईएकाे छ   ।

यदि कसैले जिल्ला प्रशासन कार्यालयले जारी गरेको सूचनाको वेवास्त  गरी प्रतिबन्धित  कार्य गरेको पाइएमा प्रचलित कानून बमोजिम कडाभन्दा कडा कार्बाही गरिने सूचना  प्रेशित गरिएकाे छ ।