धनगढीमाई -१३ सेमिफाईनलमा प्रवेश ।।।

२०८० माघ ११ । सिरहाको धनगढीमाई ४ द्वारा आयोजित प्रथम वाडा स्तरीय फुटबल प्रतियोगितामा धनगढीमाई १३ सेमीफाइनलमा प्रवेश गरेको छ ।

वाडा नम्बर ४ स्थित रामजानकी खेल मैदानमा आयोजित फुटबल प्रतियोगितामा वाडा नम्बर १२ लाई जित्दै सेमी फाइनलमा वाडा नम्बर १३ पुग्न सफल भएको हो ।

धनगढीमाई -४ द्वारा आयाेजित वडा कप फुटवल प्रतियोगितामा वडा -१३ काे पहिलाे खेल माघ ६ गते भएको थियो जहाँ वडा न -१ लाई २ गाेलले र आज भएकाे मैत्रीपूर्ण खेलमा वडा न – १२ लाई १ काे विरुद्ध २ गाेल गरी सेमिफाइनलमा प्रवेश गरेकाे हाे ।

आज भएको मैत्रीपूर्ण फुटबल खेलमा अन्य दिनको भन्दा दर्शकहरुको बाक्लो उपस्थिति रहेको थियो ।

अत्यन्त रोमाञ्चक र शान्तिपूर्ण तवरले भएको मैत्रीपूर्ण खेलमा खेलाडीहरुको बीच मैत्रीपूर्ण प्रतिस्पर्दा भएको थियो ।

आजको खेलमा धनगढीमाई १३ का वाडा सदस्य सन्तोष मगर लगाएत जनप्रतिनिधिहरुको सहभागिता रहेको थियो ।

आयोजक समितिको लगनशीलता र उदारताको कारण मैत्रीपूर्ण फुटबल प्रतियोगिता अत्यन्त सुन्दर वातावरणका बीच भइरहेको छ ।