थाङमिचागु डटकम संवाददाता
चरिकोट दोलखा

न्यूयोर्क । संयुक्त राष्ट्रसंघको ८१औँ महासभा (UNGA81) का अवसरमा न्यूयोर्कमा नेपालका परराष्ट्रमन्त्री र फिनल्यान्डका परराष्ट्रमन्त्री एलिना भाल्टोनेनबीच द्विपक्षीय भेटवार्ता भएको छ।

भेटवार्ताका क्रममा नेपालमा हालै आएको विनाशकारी बाढी तथा पहिरोबाट भएको जनधनको क्षतिप्रति फिनल्यान्डका परराष्ट्रमन्त्री भाल्टोनेनले व्यक्त गर्नुभएको समवेदना तथा सहानुभूतिका लागि नेपाल सरकार र नेपाली जनताका तर्फबाट धन्यवाद व्यक्त गरिएको छ।

भेटमा नेपाल–फिनल्यान्ड सम्बन्धका विविध पक्षमा विचार आदान–प्रदान भएको थियो। साथै, द्विपक्षीय सम्बन्धलाई थप सुदृढ बनाउने तथा आपसी हितका विषयमा सहकार्य विस्तार गर्ने विषयमा समेत छलफल भएको जनाइएको छ।

त्यसैगरी, संयुक्त राष्ट्रसंघलगायत बहुपक्षीय मञ्चमा नेपाल र फिनल्यान्डबीचको सहकार्यलाई थप प्रभावकारी बनाउने विषयमा पनि छलफल भएको थियो।

भेटवार्ताले दुई देशबीचको आपसी समझदारी, सहयोग र सहकार्यलाई थप मजबुत बनाउन सकारात्मक आधार तयार गरेको जनाइएको छ।