थाङमिचागु डटकम संवाददाता
चरिकोट दोलखा

काठमाडौं । रसुवास्थित माथिल्लो त्रिशूली–१ जलविद्युत् आयोजनाको सुरुङबाट नेपाली सेनाले आज थप ११ वटा शव निकालेको छ।

नेपाली सेना र आयोजनाका प्रतिनिधिसहितको संयुक्त उद्धार टोलीले सुरुङभित्र खोज तथा उद्धार अभियान सञ्चालन गर्ने क्रममा थप ११ वटा शव फेला पारी बाहिर निकालेको हो।

निकालिएका शवलाई आवश्यक प्रक्रिया पूरा गरी पहिचान तथा व्यवस्थापनका लागि सम्बन्धित निकायमा पठाउने तयारी गरिएको छ। सुरुङभित्र अझै खोज तथा उद्धारको काम जारी रहेको नेपाली सेनाले जनाएको छ।

बाढी तथा पहिरोका कारण प्रभावित आयोजनाको सुरुङ क्षेत्रमा उद्धार कार्य चुनौतीपूर्ण बने पनि नेपाली सेना, आयोजना र सम्बन्धित प्राविधिक टोलीले निरन्तर खोजी गरिरहेका छन्।