---

३० भाद्र २०८२, सोमबार

मलेसिया जोहोरमा सम्पन्न खुला भलिबल प्रतियोगिता : गोर्खाली भलिबल टिम च्याम्पियन, कुल १५ टिमको सहभागिता

मलेसिया, जोहोर । मलेसियामा सेप्टेम्बर १४ र १५ तारिखका दिन भव्यतापूर्वक सम्पन्न भएको खुला भलिबल प्रतियोगितामा गोर्खाली भलिबल टिम विजयी हुँदै च्याम्पियन बनेको छ ।

दुई दिनसम्म चलेको उक्त प्रतियोगितामा आयोजक ओखलढुंगा युवा क्लब उपविजेता बनेको छ भने तेस्रो स्थान कुलुवाङ भलिबल टिमले हात पारेको छ ।

विजेता गोर्खाली भलिबल टिमलाई उपाधिसहित नगद RM ३,५००, ट्रफी, मेडल तथा प्रमाणपत्र प्रदान गरिएको थियो । द्वितीय हुने ओखलढुंगा युवा क्लबले नगद RM २,५००, ट्रफी, मेडल तथा प्रमाणपत्र प्राप्त गरेको छ भने तृतीय हुने कुलुवाङ भलिबल टिमलाई नगद RM १,५००, ट्रफी, मेडल तथा प्रमाणपत्र प्रदान गरिएको थियो ।

---

विधागत उत्कृष्टता पुरस्कार

प्रतियोगितामा उत्कृष्ठ खेल प्रदर्शन गर्ने खेलाडीलाई विभिन्न विधागत पुरस्कारहरू पनि प्रदान गरिएको थियो :

• बेष्ट सेटर : गोपाल थापा मगर (ओखलढुंगा युवा क्लब A)
• बेष्ट लिबोरो : लक्ष्मण थापा मगर (ओखलढुंगा युवा क्लब A)
• बेष्ट स्पाइकर : राजेन्द्र बम (कुलुवाङ भलिबल टिम)
• बेष्ट ब्लकर : रवि थापा मगर (गोर्खाली भलिबल टिम)
• बेष्ट प्लेयर : आलाप श्रेष्ठ (गोर्खाली भलिबल टिम)

---

खेलमैत्री भावना र एकता

प्रतियोगिताले खेलाडीबीच आपसी सहयोग, अनुशासन र खेलमैत्री भावना अभिवृद्धि गर्नुका साथै मलेसियामा बसोबास गर्ने नेपाली समुदायबीच एकता र सद्भाव बढाउन महत्वपूर्ण भूमिका खेलेको आयोजक ओखलढुंगा युवा क्लबले जनाएको छ ।

साथै, प्रतियोगिता सफल बनाउन सहयोग गर्ने सम्पूर्ण खेलप्रेमी, प्रायोजक, अतिथि तथा उपस्थित दर्शकहरूलाई आयोजकले हार्दिक धन्यवाद व्यक्त गरेको छन ।

---