सुरुङमार्ग नजिकै पहिरो, काठमाडौं आइरहेको गाडी आधा पुरियो

थाङमिचागु डटकम संवाददाता

काठमाडौं- मुग्लिङ-काठमाडौं सडकखण्डअन्तर्गत नागढुंगा-सिस्ने खोला सुरुङ्गमार्ग नजिकै पहिरो जाँदा एउटा गाडी आधा पुरिएको छ ।

काठमाडौं आइरहेको एउटा यात्रु गाडीलाई धादिङको नौबिसेस्थित सडकको माथिबाट खसेको पहिरोले पुरेको हो ।

सुरुङमार्ग नजिकै लेदोसहितको पहिरो जाँदा अहिले सडक दुवैतर्फ अवरुद्ध भएको छ ।

पहिरोमा एउटा स्करपियो गाडीपरे पनि मानवीय क्षति नभएको धादिङ प्रहरीले जनाएको छ ।

सडकमा आधा पुरिएको अवस्थामा रहेको उक्त गाडीलाई सुरङमार्ग निर्माणमा प्रयोग भएको साधनले निकालिँदैछ ।

पहिरोका कारण दुईतर्फी सडक अबरुद्व भएको छ । उक्त सडक खुला कम्तिमा २ घण्टा लाग्ने जिल्ला ट्राफिक प्रहरी कार्यालय धादिङले जनाएको छ।

पहिरो निरन्तर खसिरहेपछि स्थानीय घरका बासिन्दा पनपि भागाभाग भएको प्रत्यक्षदर्शी विवेक भण्डारीले बताएका छन् ।