नवलपरासी बस दुर्घटना : घाइतेको सङ्ख्या ३३ पुग्यो, सबैको पहिचान खुल्यो ।।।

0Shares

नवलपरासी बस दुर्घटना : घाइतेको सङ्ख्या ३३ पुग्यो, सबैको पहिचान खुल्यो

१६ नोभेम्बर २०२६, सोमबार
संवाददाता : थाङ्मीचागु डटकम

नवलपुर। नवलपरासीमा यात्रुवाहक बस दुर्घटना हुँदा घाइते हुनेको सङ्ख्या ३३ पुगेको छ। दुर्घटनामा घाइते भएका सबै यात्रुको पहिचान खुलेको प्रहरीले जनाएको छ।

धनगढीबाट काठमाडौं आउँदै गरेको सुदूरपश्चिम प्रदेश ०१–००१ ख ३४७५ नम्बरको बस सोमबार बिहान कावासोती नगरपालिका–११ स्थित लोकाहामा दुर्घटनामा परेको हो। बस अनियन्त्रित भई सडकमा पल्टिँदा यात्रुहरू घाइते भएका हुन्।

प्रहरीका अनुसार बसमा चालकसहित ४१ जना सवार थिए। दुर्घटनामा घाइते भएका ३२ जनालाई मध्यविन्दु प्रादेशिक अस्पतालमा उपचारका लागि लगिएको छ भने एक जनालाई थप उपचारका लागि भरतपुरस्थित पुरानो मेडिकल कलेज पठाइएको छ।

घाइते हुनेहरूमा दार्चुला, बैतडी, कैलाली, डडेल्धुरा, कञ्चनपुर, डोटीलगायत जिल्लाका यात्रु रहेका छन्।

दुर्घटनापछि प्रहरीले बस चालकलाई नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।

घाइतेहरूको नामावली

प्रहरीबाट प्राप्त विवरणअनुसार दुर्घटनामा घाइते भएका यात्रुहरूको पहिचान सार्वजनिक गरिएको छ। तर उपलब्ध नामावलीमा ३३ जना घाइते भनिए पनि ३२ जनाको मात्र नाम समावेश भएकाले बाँकी एक जनाको विवरण पुष्टि हुन बाँकी छ।

थाङ्मीचागु डटकम

Leave a Reply

Your email address will not be published. Required fields are marked *