प्रधानमन्त्री कार्कीद्वारा नेपाल वायुसेवा निगममा सुधारको निर्देशन

थाङमिचागु डटकम संवाददाता

प्रधानमन्त्री सुशीला कार्कीले नेपाल वायुसेवा निगम (नेपाल एयरलाइन्स) मा देखिएका अनियमितता र बेथितीहरू सुधार गर्न सम्बन्धित निकायलाई कडा निर्देशन दिएकी छन्।

उनले विशेष रूपमा पहुँच र सिफारिसका भरमा नियुक्त गरिएका करार कर्मचारीहरूलाई हटाउन तथा निगमको व्यवस्थापन प्रणालीलाई पारदर्शी र कार्यक्षमता आधारित बनाउन आग्रह गरेकी हुन्।

प्रधानमन्त्री कार्कीले निगममा लामो समयदेखि देखिँदै आएका राजनीतिक हस्तक्षेप, अनुशासनहीनता र कार्यदक्षताको अभाव अन्त्य गरी संस्थालाई जनताको भरपर्दो राष्ट्रिय वायुसेवा संस्था बनाउन सरकार गम्भीर रूपमा प्रतिबद्ध रहेको बताएकी छन्।