कोशी प्रदेश प्रमुख खापुङ मलेसिया आउने मन्त्रीपरिषदबाट मलेसिया भ्रमण स्वीकृत

थाङमिचागु डटकम संवाददाता

क्वालालम्पुर, साउन १८
बुधबार बसेको मन्त्रिपरिषद् बैठकले गरेका १३ निर्णयहरू बिहीबार सार्वजनिक गरिएका छन्। सञ्चार तथा सूचना प्रविधि मन्त्री पृथ्वी सुब्बा गुरुङले सिंहदरबारमा पत्रकार सम्मेलन गर्दै निर्णयहरूको जानकारी गराए।

उक्त निर्णयअनुसार साउन १८ गते मलेसियामा आयोजना हुने नेपाल आदिवासी जनजाति महासंघ मलेसियाको चौथो अधिवेशनमा प्रमुख अतिथिको रूपमा सहभागी हुन कोशी प्रदेशका प्रदेश प्रमुख परशुराम खापुङलाई मलेसिया भ्रमणको स्वीकृति प्रदान गरिएको छ।

यस भ्रमणलाई नेपालको बहुल सांस्कृतिक पहिचान र अन्तर्राष्ट्रिय सम्बन्ध सुदृढ गर्न अवसरको रूपमा लिइएको बताइएको छ।