देवी मन्दिर निर्माण कार्य अन्तिम चरणमा, माघ २९ देखि छत ढलान प्रक्रिया सुरु ।।।

थाङमिचागु डटकम संवाददाता

विनोद मण्डल,माघ २८ । सिराहा जिल्ला, धनगढीमाई नगरपालिका-१३, परेवाभिर स्थित देवी मन्दिरको निर्माण कार्य अन्तिम चरणमा प्रवेश गरेको छ । स्थानीय समुदायको आस्थाका केन्द्र बन्ने उद्देश्यले निर्माण सुरु गरिएको यो मन्दिर अब छत ढलानको महत्त्वपूर्ण कार्यमा प्रवेश गर्न लागेको हो ।

निर्माण कार्यलाई चाँडो सम्पन्न गर्नका लागि माघ २९ गतेदेखि छत ढलानको प्रक्रिया सुरु गरिएको हो । मन्दिरको छत ढलान कार्य पूरा भएपछि पूजा स्थलको संरचना पूर्ण रूपले तयार हुनेछ र भक्तजनहरूको सेवा सञ्चालन गर्न सकिनेछ ।

मन्दिरको निर्माणले यस क्षेत्रको धार्मिक र सांस्कृतिक महत्वलाई झल्काउँछ र यसले स्थानिय पर्यटनलाई समेत प्रवर्द्धन गर्ने सम्भावना छ ।

मन्दिर निर्माण कार्य पुरा भएपछि, यहाँ धार्मिक अनुष्ठान, पूजाअर्चना र सांस्कृतिक कार्यक्रमहरूको आयोजना गरिने योजना छ । यसले क्षेत्रको सामाजिक र सांस्कृतिक जीवनलाई समृद्ध तुल्याउने छ ।