नौबिसे-मुग्लिन सडक एक हप्तासम्म आंशिक रूपमा सवारीसाधन बन्द

थाङमिचागु डटकम संवाददाता

नौबिसे-मुग्लिन सडक खण्डको पोखरेभीर र विशालटारमा मोड सुधारका लागि एक हप्तासम्म आंशिक रूपमा सवारीसाधन बन्द हुने जानकारी आएको छ। जिल्ला ट्राफिक कार्यालय, धादिङका अनुसार यो कार्य ७ पुसदेखि १३ पुससम्म बिहान ११ बजेदेखि दिउँसो २ बजेसम्म हुने छ।

मुख्य व्यवस्था:

1. पोखरेभीर मोड सुधार:

नौबिसेबाट गजुरी छिर्ने भारी सवारीसाधनलाई गल्छी-बैरेनी र हलुका सवारीसाधनलाई जरेखेतमा रोकिनेछ।

मलेखुतर्फबाट नौबिसे छिर्ने भारी सवारीसाधनलाई चालिसे र हलुका सवारीसाधनलाई घाटबेसीमा रोकिनेछ।

2. विशालटार मोड सुधार:

मुग्लिनबाट मलेखु छिर्ने भारी सवारीसाधनलाई मझिमटार र हलुका सवारीसाधनलाई चरौंदी बजारमा रोकिनेछ।

मलेखुतर्फबाट मुग्लिन छिर्ने भारी सवारीसाधनलाई बेनिघाट बजार र हलुका सवारीसाधनलाई विशालालटारमा रोकिनेछ।

विशेष छुट:

एम्बुलेन्स र सुरक्षा निकायका सवारीसाधनलाई निर्वाध रूपमा सञ्चालन गर्न पाइनेछ।

दिउँसो २ बजेपछि सबै सवारीसाधनलाई गन्तव्यतर्फ जान दिन छुट दिइनेछ।

सडक सुधार कार्य पूरा भएपछि मोडहरु सुरक्षित र सरल हुने अपेक्षा गरिएको छ। यात्रा योजना बनाउन यसलाई ध्यान दिन अनुरोध छ।