विनोद मण्डल,कार्तिक १६  । नेपालका हिमाली क्षेत्रमा पाइने दुर्लभ वन्यजन्तु वन भेडा (पोथी नाउर) देखा परेको छ ।

ताप्लेजुङ जिल्लाको कञ्चनजङ्घा हिमालको आधार शिविरतर्फको यात्रामा पर्ने चोक्यु क्षेत्रमा हालै यो प्रजातिको भेडा देखिएको छ । समुद्र सतहदेखि पाँच हजार मिटर उचाईमा भेटिएको यो वन भेडा नेपालको प्राकृतिक सम्पदामा थप आकर्षणको स्रोत बनेको छ ।

चोक्यु क्षेत्र, जो कञ्चनजङ्घा आधार शिविर जाने मार्गमा पर्दछ, विभिन्न वन्यजन्तु र चराचुरुंगीहरूको बासस्थान भएको  यस क्षेत्रमा दुर्लभ वन्यजन्तुका रूपमा वन भेडा, हिमचितुवा, नाउर, मृग र अन्य प्रजातिहरू पाइन्छन् । यसको संरक्षण र अनुसन्धानमा लामो समयदेखि चासो देखाइएको छ । चोक्यु क्षेत्रमा पोथी नाउरको दृश्यावलोकन दुर्लभ मानिन्छ, किनभने यो प्रजातिको वन भेडा उच्च हिमाली भू-भागमा मात्र     पाईन्छ ।

पछिल्ला वर्षहरूमा ताप्लेजुङको पर्यटकीय गतिविधिमा बढोत्तरीसँगै वन्यजन्तु अवलोकनको माग पनि बढेको छ । संरक्षणविद्हरूले वन भेडा जस्ता हिमाली वन्यजन्तुको संरक्षणका लागि अझ बढी ध्यान दिनुपर्ने आवश्यकतामा जोड दिएका छन् । हिमाली क्षेत्रको कठोर मौसम, तापक्रम, र अत्यधिक उचाईमा पनि अनुकूलित यी जनावरहरूको अस्तित्व जलवायु परिवर्तन र मानवीय गतिविधिहरूले खतरामा पारेको बताईन्छ ।

दिलकुमार लिम्बूले खिचेको यस दुर्लभ वन भेडाको तस्बिरले पर्यटकीय आकर्षणमा थप टेवा पुग्ने विश्वास छ । साथै, यो अवलोकनले अनुसन्धानकर्ताहरू र संरक्षणकर्मीहरूलाई यस क्षेत्रको जैविक विविधता संरक्षणमा महत्वपूर्ण जानकारी उपलब्ध गराउनेछ ।

नेपालमा रहेको कञ्चनजङ्घा क्षेत्रमा पर्यटन प्रवर्द्धन र वन्यजन्तु संरक्षणका लागि संयुक्त रूपमा प्रयास गर्नुपर्ने देखिन्छ । यसको संरक्षण र प्रवर्द्धनमा स्थानीय समुदाय, सरकार, र संरक्षणवादीहरूको सक्रिय सहभागिताले मात्र भविष्यमा वन भेडा जस्ता दुर्लभ प्रजातिको अस्तित्व जोगाउन मद्दत पुर्याउनेछ ।