लमजुङको बेँसीसहरबाट अन्नपूर्ण पदमार्ग हुँदै मनाङतर्फ जाने विदेशी पर्यटक

थाङमिचागु डटकम संवाददाता

लमजुङको बेँसीसहरबाट अन्नपूर्ण पदमार्ग हुँदै मनाङतर्फ जाने विदेशी पर्यटकहरूको संख्या बढिरहेको छ। मंगलबार बिहान पनि पर्यटकहरूको एक समूह अन्नपूर्ण पदमार्गमार्फत मनाङतर्फ गइरहेको थियो।

यस पदमार्गको लोकप्रियता बढेसँगै बेँसीसहरमा होटल र रेस्टुरेन्ट व्यवसायले फाइदा उठाउँदै चलायमान बनेको छ।

पर्यटकहरूको बृद्धिले स्थानीय पर्यटन व्यवसायलाई थप उत्साहित बनाएको छ भने आर्थिक रूपमा पनि सकारात्मक प्रभाव पार्दै आएको छ।

अन्नपूर्ण पदमार्ग विश्वभर प्रसिद्ध ट्रेकिङ मार्गमध्ये एक हो, जहाँ हरेक वर्ष हजारौं पर्यटक साहसिक यात्रा र प्राकृतिक सुन्दरताको अनुभव गर्न आउँछन्।