बाढीले सिन्धुलीको सुनकोशी गाउँपालिका–१ नेपालथोकका सुन्दर फाँट बगरमा परिणत

मङ्गलबार १५ असोज २०८१

थाङ्मीचागु डटकम सम्बादाता

सिन्धुलीको सुनकोशी गाउँपालिका–१ नेपालथोकका सुन्दर फाँटमा रहेको पाकेको पहेँलपुर धान गत शुक्रबार र शनिबार रोशी खोलामा आएको बाढीका कारण ठूलो क्षतिमा परेको छ। बाढीसँगै आएको लेदो माटो, गेग्रान, र ढुंगाले फाँटलाई बगरमा परिणत गरिदिएपछि किसानहरू ठूलो आर्थिक नोक्सानमा परेका छन्। पाक्न लागेको धानबाली बगरमा पुरिएर नष्ट हुँदा किसानहरूको वर्षभरिको मेहनत एकै रातमा खेर गएको छ। यस प्राकृतिक विपत्तिले स्थानीय जनजीवनमा कठिनाइ थपिएको छ, र उनीहरूको जीविकोपार्जनमा ठूलो असर परेको छ।