संविधान दिवस २०८१ का अवसरमा परासीमा विविध कार्यक्रम ।।।

थाङमिचागु डटकम संवाददाता

विनोद मण्डल, असोज ३ । लुम्बिनी प्रदेशको नवलपरासीमा संविधान दिवस २०८१ को अवसरमा परासीमा र्याली सहित विभिन्न सरोकारवालाहरुको सहभागितामा भव्य रूपमा सविधान दिवस मनाइएको छ ।

संविधानको महत्व र यसको कार्यान्वयनका बारेमा सन्देश फैलाउन स्थानीय प्रशासन ,राजनीतिक नेता तथा विभिन्न संघ-संस्थाका प्रतिनिधिहरु सहभागी भएका थिए ।

कार्यक्रमको क्रममा संविधानको इतिहास र यसका मूलधारका बारेमा विचार-विमर्श गरिएको थियो भने सहभागीहरूले संविधानको रक्षा र समृद्धिका लागि नागरिकको जिम्मेवारीलाई विशेष रूपमा जोड दिएका थिए ।

यस अवसरमा परासीका प्रमुख प्रशासकले संविधानको पालना गर्दै नागरिकताको जिम्मेवारी निभाउनुपर्नेमा जोड दिएका छन् ।

कार्यक्रमले परासीका नागरिकमा संविधानप्रति चेतना र जिम्मेवारीको भावना जगाउने उद्देश्य राखेको थियो ।

परासीमा सम्पन्न यो कार्यक्रमले संविधानको महत्वलाई उजागर गर्दै, स्थानीय समुदायमा सहकार्य र एकताको भावना बढाउने अपेक्षा गरिएको छ । संविधान दिवसको यो उत्सवले भविष्यका लागि सकारात्मक सन्देश प्रवाह गर्ने विश्वास व्यक्त गरिएको छ ।