नेकपा एकीकृत समाजवादीले केन्द्रीय सदस्यको नाम टुंगो लगाउन कार्यदल गठन गरेको छ ।

थाङ्मीचागु डटकम सम्बादाता

साउन १६, २०८१ बुधबार
काठमाडौं : नेकपा एकीकृत समाजवादीले केन्द्रीय सदस्यको नाम टुंगो लगाउन कार्यदल गठन गरेको छ । पार्टी कार्यालय आलोकनगरमा बुधबार बसेको केन्द्रीय कमिटी बैठकले केन्द्रीय कमिटी र केन्द्रीय आयोगको संख्या, नाम र मनोनयकाबारेमा गृहकार्य गर्न तीन सदस्यीय कार्यदल गठन गर्ने निर्णय गरेको हो । 

कार्यदलमा अध्यक्ष माधवकुमार नेपाल, सम्मानित नेता झलनाथ खनाल र महासचिव घनश्याम भुसाल रहेको नेकपा एकीकृत समाजवादीका नेता विरोध खतिवडाले जानकारी दिए । केन्द्रीय कमिटीको बैठक साउन १८ गते बस्ने र सोही बैठकमा केन्द्रीय कमिटी र केन्द्रीय आयोगको टुङ्गो लगाउने उनले बताए।

महाधिवेशन भएको लामो समय हुँदा पनि नेकपा एकीकृत समाजवादीले पदाधिकारी र केन्द्रीय कमिटीलाई पूर्णता दिन सकेको छैन ।