गोरखामा माछापोखरीमा डुबेर एक किशोरको मृत्यु

थाङमिचागु डटकम संवाददाता

३० असार, गोरखा । पालुङटार नगरपालिका–६ कालामाटामा रहेको माछापोखरीमा डुवेर एक किशोरको मृत्यु भएको छ ।

मृत्यु हुनेमा सोही स्थानका १७ बर्षीय विपिन नेपाली रहेको प्रहरीले जनाएको छ । आइतबार साथीहरुसँग पोखरीमा पौडी खेल्ने क्रममा डुबेर उनको मृत्यु भएको प्रहरी नायब उपरीक्षक रमेशकुमार श्रेष्ठले बताए ।

‘उनी र उनका चार जना साथी मिलेर पौडी खेल्न गएछन्’, उनले भने, ‘त्यही क्रममा डुबेर नेपालीको मृत्यु भएछ ।’ नेपालीको शव पोष्टमार्टमका लागि गोरखा अस्पताल ल्याइएको छ । घटनाबारे थप अनुसन्धान भइरहेको प्रहरीले जनाएको छ ।