रामनाथ महतोको लाठी प्रहारबाट दुई घाईते ।।।
2024-10-22सदरमुकाम चरिकोटमा रास्वपाले लामिछानेको पक्राउको विरोधमा नाराबाजी प्रदर्शन
2024-10-21
Tuesday, October 22, 2024
पहिरोले घर भत्किँदा जाजरकोटमा एक जना बालकको मृत्यु
पहिरोले घर भत्किँदा जाजरकोटमा एक जना बालकको मृत्यु भएको छ।
थाङमिचागु डटकम संवाददाता
भेरी नगरपालिका–५ ईब्राका ६ बर्षीय बालक प्रिन्स विकको मृत्यु भएको जिल्ला प्रहरी कार्यालय जाजरकोटले जनाएको छ।
सोमबार बिहान घर पछाडिबाट खसेको पहिरोले घर भत्किएको जाजरकोटका प्रहरी प्रमुख डिएसपी पुरुषोत्तम प्रसाद सापकोटाले बताए।
उनका अनुसार प्रिन्सका बुवा रमेश विक घाइते भएका छन्। घरमा ६ जनाको परिवार रहेको र अरु सकुशल रहेको डिएसपी सापकोटाले बताए।
सोमबार बिहान साढे ५ बजे पहिरोले घर भत्किएको उनले बताए।
मृतकको पोष्टमर्टमका लागि जिल्ला अस्पताल जाजरकोटमा लगिएको छ। घाइतेलाई पनि उपचारका लागि जिल्ला अस्पताल लगिएको प्रहरीले जनाएको छ।