विनोद मण्डल, मंसिर १०, सिरहा ।
सिरहा जिल्लाको धनगढीमाई नगरपालिका–१३ असारेका ७२ वर्षीय रुद्र बहादुर खत्रीलाई १० वर्षीया बालिकालाई बलात्कार गरेको आरोपमा उदयपुरबाट प्रहरीले पक्राउ गरेको छ ।

जिल्ला प्रहरी कार्यालय उदयपुरबाट खटिएको प्रहरी टोलीले मंसिर ९ गते रातिको करिब ८ बजेको समयमा त्रियुगा नगरपालिका वडा नं ४ बगहाबाट खत्रीलाई पक्राऊ गरी उनलाई रातीनै ईलाका प्रहरी कार्यालय लहानमा ल्याईएको प्रहरीले जनाएको छ ।

घटनापछि पीडित परिवारले दिएको उजुरीका आधारमा प्रहरीले खोजी कार्य तीव्र बनाएको थियो । स्थानीय सूचनाको आधारमा उनलाई नियन्त्रणमा लिईएको बताईएको छ ।

घटनाको थप अनुसन्धान जारी रहेको जिल्ला प्रहरी कार्यालय सिरहाले जनाएको छ ।