मकवानपुरको हेटौँडा उपमहानगरपालिका– १ मा बग्ने राप्ती खोलामा काठेपुल बनाउँदै। बर्खापछि लालझाडी, मैनटारका स्थानीयहरु पक्की पुल समयमा नबन्दा यस्तै जोखिम मोल्दै काठेपुलको भरमा आवतजावत गर्ने गर्दछन् ।

थाङमिचागु डटकम संवाददाता

मकवानपुरको हेटौँडा उपमहानगरपालिका–१ मा बग्ने राप्ती खोलामा स्थानीयले काठेपुल निर्माण गरिरहेका छन्। बर्खाको समय खोला उर्लिएर जोखिमपूर्ण हुने भएकाले अस्थायी काठेपुल निर्माणले उनीहरूको दैनिक आवतजावतलाई सहज बनाउने आशा गरिएको छ।

लालझाडी, मैनटारका बासिन्दाहरू पक्की पुल समयमा नबनेको गुनासो गर्दै वर्षौंदेखि काठेपुलकै भरमा जोखिमपूर्ण यात्रा गरिरहेका छन्। खोलामा पक्की पुल निर्माण नहुनुका कारण दैनिक जीवनमा कठिनाइ भोग्दै आएका स्थानीयले पुल निर्माणमा राज्यको ध्यानाकर्षण गराउन आग्रह गरेका छन्।

यस्ता अस्थायी संरचनाले समस्या केही समयका लागि समाधान गरे पनि दीर्घकालीन समाधानका लागि सुरक्षित र बलियो पक्की पुलको आवश्यकता छ।