मलेसियामा NRRN प्रवास कमिटी गठन, १९ सदस्यीय कार्यसमिति चयन

सोमबार ३ मङ्सिर २०८१

सन्तोष ठान्टी थाङ्मी

प्रवास ,क्वालालम्पुर, मलेसिया: नेशनल रिपब्लिक नेपाल (NRN) प्रवास मलेसिया कमिटी गठन कार्यक्रम आज मिति २०८१ मंसीर ३ गते (२०२४ नोभेम्बर १८) सम्पन्न भएको छ। परिचयात्मक भेला तथा प्रवास कमिटी गठन कार्यक्रम गोपी मगरको प्रमुख आतिथ्य र मनकुमार जिम्बा तामाङको अध्यक्षतामा आयोजना गरिएको थियो।

कार्यक्रममा १९ सदस्यीय प्रवास मलेसिया कमिटी गठन गरिएको छ। कमिटीको अध्यक्षमा मनकुमार जिम्बा तामाङ, सचिवमा मनबहादुर वाइबा तामाङ, र कोषाध्यक्षमा वीरमान तामाङ चयन भएका छन्।

नवगठित कार्यसमिति सदस्यहरूको विवरण

कार्यसमितिमा विभिन्न क्षेत्रमा सक्रिय व्यक्तित्वहरू समावेश गरिएको छ। सल्लाहकारहरूमा लाफा दरलामी मगर र गोपी मगर रहेका छन्। सदस्यहरूमा निम्न व्यक्तिहरू छन्:

दोर्जे लामा

बलबहादुर बिक

गुञ्ज राई

दुर्गा तामाङ

मनबहादुर गुरुङ

मोहन गुरुङ

टिभी थापा मगर

पूर्वेली शेर्पा

शिशिर मगर

एमा सारु मगर

आरके पुन मगर

निर्मल शेर्पा

भुवन मण्डल

गोपाल रोक्का मगर

कार्यक्रमको उद्देश्य

प्रवासमा रहेका नेपालीहरूलाई संगठित गर्दै सामाजिक, सांस्कृतिक, र आर्थिक विकासमा टेवा पुर्‍याउने उद्देश्यले यो कमिटी गठन गरिएको हो। कार्यक्रममा बोल्दै प्रमुख अतिथि गोपी मगरले NRRN मलेसियाले नेपाली समुदायको हित र प्रवासी नेपालीहरूको हकहितको पक्षमा कार्य गर्ने बताउनुभयो।

अध्यक्ष मनकुमार जिम्बा तामाङले आफ्नो नेतृत्वमा कमिटीले प्रवासी नेपालीहरूको समस्या समाधान गर्न, सांस्कृतिक गतिविधि प्रवर्द्धन गर्न, र नेपालसँग प्रवासीहरूको सम्बन्ध सुदृढ बनाउन प्राथमिकता दिने बताए।

सल्लाहकारको धारणा

सल्लाहकार लाफा दरलामी मगरले थाङ्मिचागु डट कमलाई जानकारी दिँदै भने, “यो कमिटी मलेसियामा रहेका नेपालीहरूलाई एकत्रित गरी सामूहिक समस्याहरूको समाधान खोज्न महत्वपूर्ण भूमिका खेल्नेछ। विशेषगरी, रोजगारी, कानुनी समस्या, र सांस्कृतिक गतिविधिमा केन्द्रित भएर काम गरिनेछ।”

समाजमा नयाँ ऊर्जा थपिने अपेक्षा

यस नवगठित कमिटीले मलेसियामा रहेका नेपालीहरूको एकता र सहयोगलाई अझ मजबुत बनाउँदै प्रवासी समुदायको हितका लागि उल्लेखनीय काम गर्ने अपेक्षा गरिएको छ।

–थाङ्मीचागु डट कमको लागि