दोलखामा काठमाडौंबाट रामेछापको गुप्तेश्वर जाँदै गरेको यात्रुबाहक बस दुर्घटना हुँदा एकजनाको मृत्यु

थङमिचागु डटकम संवाददाता

दोलखामा काठमाडौंबाट रामेछापको गुप्तेश्वर जाँदै गरेको यात्रुबाहक बस दुर्घटना हुँदा एकजनाको मृत्यु भएको छ र ८ जना घाइते भएका छन्। दुर्घटना दोलखाको भीमेश्वर नगरपालिका–८ बोचको चरङ्गे क्षेत्रमा भएको हो।

दुर्घटनामा २३ वर्षीय लोकबहादुर श्रेष्ठको मृत्यु भएको छ भने गम्भीर घाइते २५ वर्षीय धनबहादुर खड्कालाई प्राथमिक उपचारपछि थप उपचारका लागि काठमाडौं रिफर गरिएको छ।

बसमा ४३ जना यात्रु सवार थिए, र ओभर स्पीडका कारण दुर्घटना भएको प्रहरी प्रमुख डिएसपी युवराज खड्काले जानकारी दिएका छन्। बाँकी घाइतेहरूको स्थानीय अस्पतालमा उपचार भइरहेको छ, र घटनाबारे थप अनुसन्धान जारी छ।