सेनाले राख्न थाल्यो खुर्कोटको सुनकोशीमा बेलिब्रिज

थाङमिचागु डटकम संवाददाता

काठमाडौं– खुर्कोट र रामेछाप जोड्ने बेलिब्रिज निर्माणको काम सुरु भएको छ। आश्विन १० गतेदेखि १३ गतेसम्म लगातारको वर्षाले सिन्धुलीको खुर्कोट र रामेछाप जोड्ने पुल बगाएपछि नयाँ बेलिब्रिज निर्माण थालिएको हो ।

आइतबार हेटौंडाबाट बेलिब्रिजका सामान लगेर बेलिब्रिज निर्माणको काम सुरु भएको नेपाली सेनाले जनाएको छ।

बाढीले बीपी राजमार्ग र पुष्पलाल राजमार्ग जोड्ने सुनकोशी नदीको १ सय मिटरको पक्की पुलमध्ये रामेछापतर्फ रहेको आधा भाग नै बगाएको थियो ।