दोलखाको कालिञ्चोक गाउँपालिका-६ मा आगलागी, धनकुमार थामीको घर पूर्ण रूपमा नष्ट

थाङ्मीचागु डटकम सम्बादाता ,२७ भदौ २०८१ कालिञ्चोक गाउँपालिका-६ स्थित धनकुमार थामीको घरमा गएराती भएको आगलागीले सम्पूर्ण घर नष्ट भएको छ। स्थानीय समयअनुसार मध्यराततिर सुरु भएको आगोले घरमा भएका सबै सम्पत्ति जलाएर सखाप बनाएको छ।

आगलागीको कारण तत्काल खुल्न सकेको छैन, तर अनुमान अनुसार विद्युत सर्ट सर्किटको कारणले आगलागी भएको हुन सक्ने स्थानीयले बताएका छन्। आगो नियन्त्रणमा लिन स्थानीयबासीले अथक प्रयास गरे पनि घरका अधिकांश संरचना र भौतिक सामान जोगाउन सकिएको थिएन। घटनामा कुनै मानवीय क्षति भने नभएको जानकारी आएको छ।

अहिले घटनास्थलमा स्थानीय प्रशासन र प्रहरीको टोली पुगेको छ र आगलागीको विस्तृत अनुसन्धान भइरहेको छ। प्रभावित परिवारलाई स्थानीयस्तरमा सहयोग जुटाउने प्रयास भइरहेको छ।