रामनाथ महतोको लाठी प्रहारबाट दुई घाईते ।।।
2024-10-22सदरमुकाम चरिकोटमा रास्वपाले लामिछानेको पक्राउको विरोधमा नाराबाजी प्रदर्शन
2024-10-21सत्तारूढ नेकपा (एमाले) को सचिवालय बैठक बिहीबार बस्दैछ।।।
सत्तारूढ नेकपा (एमाले) को सचिवालय बैठक बिहीबार बस्दैछ।।।
थाङ्मीचागु डटकम संवाददाता
काठमाडौं, साउन १७
सत्तारूढ नेकपा (एमाले) को सचिवालय बैठक बिहीबार बस्दैछ।
सचिवालय बैठक बिहान ११ बजे सिंहदरबार अगाडिको होटल बसेरामा बस्ने प्रचार विभाग प्रमुख राजेन्द्र गौतमले जानकारी दिए।
‘हिजोको वर्षातले च्यासल पार्टी कार्यालयमा पानी भरिएकाले बैठक स्थान परिवर्तन गरिएको छ,’ उनले भने।
आजको सचिवालय बैठकमा कार्यविभाजन र समसामयिक राजनीतिक परिस्थितिबारे छलफल हुने उनले बताए।
एमालेले २०८१ को कार्ययोजना लागू गर्दैछ। यसअघि जिल्ला अधिवेशनहरू नसकिएकाले नयाँ कार्ययोजना लागू हुन थाती रहेको थियो।
एमालेको ११ वटा जिल्ला अधिवेशन हुन बाँकी रहेको छ। ती जिल्ला अधिवेशन कात्तिक मसान्तभित्र गरिसक्न एमाले संगठन विभागले परिपत्र गरिसकेको छ। त्यस्तै साउन मसान्तभित्र सदस्यता नवीकरण गरिसक्न पनि निर्देशन दिएको छ।
एमालेले २०८१ भरि संगठन शुद्धीकरण र सुदृढीकरण अभियान सुरू गर्दैछ। त्यस्तै एमालेले पार्टीका जिल्ला इन्चार्जहरू पनि परिवर्तन गर्दैछ। त्यस्तै २२ वटा विभागका प्रमुख, उपप्रमुखहरू पनि परिवर्तन गर्ने तयारी गरेको छ।
यसअघि फरक जिल्ला कार्यक्षेत्र हुने गरी तोकिएको कार्यविभाजन यसपटक परिवर्तन हुने एमालेले जनाएको छ।
फरक भूगोल हुने गरी इन्चार्जको जिम्मेवारी दिँदा आफ्नो निर्वाचन क्षेत्र, जिल्लामा काम गर्न नपाएको गुनासो आएको थियो।
त्यस्तै एमालेले राजकीय जिम्मेवारीमा रहेकाहरूलाई पार्टीका विभागहरूमा जिम्मेवारी नदिने तयारी पनि गरेको छ। पार्टी अध्यक्षसमेत रहेका प्रधानमन्त्री केपी शर्मा ओली बाहेकको हकमा अब एक व्यक्ति एक पद लागू हुनेछ।