राज्यको अन्यायपूर्ण निर्णयको सिकार बने इमानदार प्रहरी अधिकारी SSP विश्व अधिकारी जनताको पक्षमा आवाज बुलन्द हुँदै

थाङमिचागु डटकम संवाददाता

काठमाडौँ — देश र जनताको सेवामा जीवन अर्पण गर्दै आएका प्रहरी वरिष्ठ उपरीक्षक (SSP) विश्व अधिकारी अहिले राज्यको अन्यायपूर्ण निर्णयको सिकार बनेका छन्।जीवनका हरेक क्षण प्रहरी वर्दीको मर्यादा र कर्तव्यप्रति समर्पित विश्व अधिकारी अहिले मनोबल गिराउने निर्णयको मारमा परेका हुन्।

सुरु देखिनै कर्तव्यनिष्ठ, इमानदार र अनुशासित अधिकृतका रूपमा परिचित अधिकारीले आफ्नो सेवाको क्रममा कहिल्यै कुनै विवाद सिर्जना गरेनन्, र जहिले पनि उत्कृष्ट प्रदर्शन गर्दै प्रहरी संगठनभित्र सम्मानको स्थान कायम राखे।

काठमाडौँ इन्चार्ज भएर आएको छोटो अवधिमै उनले करिब ५ हजारभन्दा बढीलाई पक्राउ गरी राजधानीमा शान्ति कायम गर्न उल्लेखनीय भूमिका निर्वाह गरे।
उनको नेतृत्वमा अपराध नियन्त्रण, कानून कार्यान्वयन र सार्वजनिक सुरक्षामा ठोस परिणाम आएका थिए।

तर विडम्बना — यिनै इमानदार र परिणाममुखी अधिकारीमाथि अहिले राजनीतिक हस्तक्षेपको छायाँ परेको छ।उनी न कुनै दलका नजिक थिए, न शक्तिशाली व्यक्तिहरूसँगको सम्बन्धमा; सधैं आफ्नो कर्तव्यलाई नै धर्म मानेर सेवा गर्दै आएका थिए।

तर, यही सत्यनिष्ठा र निडरताकै कारण अहिले उनी राजनीतिक निशानामा परेको जनगुनासो प्रहरी वृत्तदेखि आम नागरिकसम्म फैलिएको छ।
हालैको GenZ आन्दोलन का क्रममा संयमता र जिम्मेवारीपूर्वक कार्य सम्पादन गर्ने अधिकृतका रूपमा चिनिएका उनले राजधानीमा शान्ति कायम गर्न प्रशंसनीय योगदान दिएका थिए।

तर त्यसकै मूल्यांकन हुने सट्टा, राजनीतिक निर्णयले उनीमाथि अन्याय गरेको भन्दै प्रहरीभित्रै र सामाजिक सञ्जालमा असन्तुष्टि बढ्दै गएको छ।

जनताको स्वर स्पष्ट छ

“देश र जनताको सेवामा अग्रपंक्तिमा खटिने इमानदार प्रहरी अधिकारीमाथि अन्याय हुनु हुँदैन। राज्यले यस्ता निर्णय तत्काल फिर्ता गर्नुपर्छ।”

सुरक्षा विश्लेषकहरू भन्छन् —

“कर्तव्यनिष्ठ अधिकृतमाथि गरिएको राजनीतिक व्यवहारले प्रहरी संगठनको मनोबलमा नकारात्मक असर पार्दैछ। यसले भविष्यमा निष्पक्ष सुरक्षा प्रणाली कमजोर बन्ने खतरा छ।”