लोकतान्त्रिक थामी सङ्घ नेपालको प्रथम राष्ट्रिय अधिवेशन तयारी तीव्र, च्यासलमा दोलखाली एमाले नेता–कार्यकर्ताको भेला सम्पन्न।।
2026-11-21बंगलादेशमा आन्दोलन चर्कियो हिंसा र आगजनीका घटनाले जनजीवन प्रभावित
2026-11-20
संसद पुनःस्थापना गर्न सभामुखले बोलाएको बैठक रास्वपाले गर्यो बहिष्कार
संसद पुनःस्थापना गर्न सभामुखले बोलाएको बैठक रास्वपाले गर्यो बहिष्कार
थाङमिचागु डटकम संवाददाता

काठमाडौं । सभामुख देवराज घिमिरेले प्रतिनिधिसभा विघटनपछि उत्पन्न राजनीतिक संकट समाधानका लागि बोलाएको दलहरूबीचको बैठकमा राष्ट्रिय स्वतन्त्र पार्टी (रास्वपा) ले सहभागी नहुने निर्णय ।
सभामुख घिमिरेले संसद पुनःस्थापनाको सम्भावनाबारे दलहरूबीच सहमति खोज्ने उद्देश्यले बुधबार बिहान बैठक आह्वान गरेका थिए। तर रास्वपाले उक्त बैठकलाई “राजनीतिक नाटक” भन्दै बहिष्कार गरेको जनाएको छ।
रास्वपाका प्रवक्ता अनुसार, “संविधानको मर्म र जनताको आदेशलाई सम्मान नगर्ने नेताहरूबीचको औपचारिक छलफलले कुनै ठोस परिणाम ल्याउनेछैन।”
उता, सभामुखले भने सबै राजनीतिक दलहरूले संविधान र लोकतान्त्रिक अभ्यासको मर्यादा कायम राख्दै वार्तामा आउनु आवश्यक रहेको बताएका छन्।
उनका अनुसार संसद पुनःस्थापनाको विकल्प कानुनी र राजनीतिक दुवै दृष्टिले सम्भव छ, तर त्यसका लागि दलहरूबीच सहमति अपरिहार्य छ।
देशको राजनीतिक स्थायित्व र लोकतान्त्रिक अभ्यास पुनर्स्थापनाका लागि यो बैठकलाई निर्णायक कदमका रूपमा हेरिएको थियो।
तर रास्वपाको बहिष्कारपछि राजनीतिक परिदृश्यमा फेरि अनिश्चितता बढेको विश्लेषण राजनीतिक वृत्तमा गरिँदैछ।





