सुरुङ मार्ग–नागढुंगा सडक खण्ड कच्ची, यात्रुहरूलाई सास्ती

थाङमिचागु डटकम संवाददाता

धादिङको धुनेबेसी नगरपालिका अन्तर्गत सुरुङ मार्गदेखि काठमाडौं चन्द्रागिरी–२ नागढुंगा सडक खण्ड अहिले अत्यन्तै जर्जर बनेको छ। कालोपत्रे हटाएर सडक कच्ची बनाइएपछि उक्त खण्डमा सवारी तथा पैदल यात्रुहरूलाई निकै कठिनाइ भोग्नु परेको छ।सुरुङ मार्ग–नागढुंगा सडक खण्ड कच्ची, यात्रुहरूलाई सास्तीधादिङको धुनेबेसी नगरपालिका अन्तर्गत सुरुङ मार्गदेखि काठमाडौं चन्द्रागिरी–२ नागढुंगा सडक खण्ड अहिले अत्यन्तै जर्जर बनेको छ। कालोपत्रे हटाएर सडक कच्ची बनाइएपछि उक्त खण्डमा सवारी तथा पैदल यात्रुहरूलाई निकै कठिनाइ भोग्नु परेको छ।

नौबिसेदेखि सुरुङ मार्गसम्मको भाग कालोपत्रे भएपछि सवारी आवागमन सहज भएको थियो। तर सुरुङ मार्गदेखि नागढुंगासम्म कालोपत्रे मर्मत कार्यका लागि भैरहवाबाट कालोपत्र निकालेर बाटो कच्ची बनाइएको छ। निर्माण कार्य समयमा सम्पन्न नभएकाले दैनिकजसो जाम, धुलो, र दुर्घटनाको जोखिम बढेको स्थानीयवासी तथा सवारी चालकहरूले गुनासो गरेका छन्।

सडक निर्माण कार्यमा ढिलाइ हुँदा न यात्रुहरू सुरक्षित छन्, न त ट्राफिक प्रहरी नै सहज छन्। यात्रुहरूलाई पैदल हिँड्न समेत कठिन भएको छ भने सवारी साधन लामो समय जाममा फस्न बाध्य छन्।

स्थानीय जनताको तर्फबाट माग छ कि सुरुङ मार्ग निर्माण कम्पनी र सडक विभागले निर्माण कार्यलाई शीघ्र अघि बढाई जनसाधारणको समस्या समाधान गर्नुपर्छ।