नेकपा (एमाले) दोलखाद्वारा चरिकोटमा जागरण सभा सम्पन्न

चरिकोट, दोलखा | २०८१ चैत्र १८– नेकपा (एमाले) दोलखाद्वारा आयोजित जागरण सभा चरिकोटमा सम्पन्न भएको छ। कार्यक्रममा पार्टीका नेता, कार्यकर्ता तथा स्थानीय नागरिकहरूको उल्लेखनीय उपस्थिति रहेको थियो।

जिल्ला कमिटी अध्यक्ष नरबहादुर श्रेष्ठ को अध्यक्षतामा सम्पन्न उक्त कार्यक्रममा प्रमुख अतिथि एमाले केन्द्रीय नेता तथा पूर्वमन्त्री पार्वत गुरुङ रहनुभएको थियो। कार्यक्रममा अन्य विशिष्ट नेताहरूको समेत उपस्थिति थियो।

पार्टी सशक्तीकरण र जनसरोकारका विषयमा छलफल

कार्यक्रममा नेताहरूले देशको वर्तमान राजनीतिक अवस्था, पार्टीको आगामी रणनीति, स्थानीय विकास योजना तथा जनसरोकारका विषयमा धारणा राख्नुभएको थियो। वक्ताहरूले नेकपा (एमाले) को संगठनलाई अझ मजबुत बनाउँदै जनताका मुद्दामा केन्द्रित हुने प्रतिवद्धता जनाए।

जनतासँग प्रत्यक्ष संवाद

जागरण सभामा सहभागी स्थानीय बासिन्दाहरूले पनि आफ्नो जिज्ञासा तथा सुझावहरू राख्ने अवसर पाए। नेताहरूले स्थानीय समस्याहरूलाई गम्भीरतापूर्वक सुन्ने र तिनको समाधानका लागि पहल गर्ने प्रतिबद्धता व्यक्त गरे।

कार्यक्रमका वक्ताहरूले “थप दक्षिणपन्थी अवसरवाद र संगठनात्मक अराजकतालाई पराजित गरौँ। जबजको मार्गदर्शनमा समाजवादको आधार निर्माण गरौँ। गणतन्त्रको रक्षा, लोकतन्त्रको सशक्तिकरण!” भन्ने नाराका साथ पार्टी संगठनलाई अझ मजबुत बनाउन आह्वान गरे।

कार्यक्रमको सञ्चालन स्वयम् खड्का ले गर्नुभएको थियो। नेकपा (एमाले) दोलखाले आगामी दिनहरूमा पनि यस्ता कार्यक्रमहरू आयोजना गर्दै जनतासँग प्रत्यक्ष संवाद गर्ने योजना बनाएको जनाएको छ।

📢 थाङ्मीचागु डट कम
📝 सूचना स्रोत: पार्वती खड्का

#नेकपाएमाले #जागरणसभा #दोलखा #चरिकोट #समाजवाद #लोकतन्त्र