सिरहा र धनुषा जोड्ने हुलाकी सडकमा कमलास्थित बासको पुलबाट शुल्कसहित आवत जावत ।।।

थाङमिचागु डटकम संवाददाता

विनोद मण्डल, कार्तिक १७ । सिरहा र धनुषा जिल्लालाई जोड्ने हुलाकी राजमार्ग अन्तर्गतको कमला पुल मर्मतको क्रममा रहेको हुँदा, बस्बिट्टामा नयाँ अस्थायी काठे (बाँस) पुल संचालनमा आएको छ ।

उक्त पुलबाट मोटरसाइकल आवागमनका लागि यात्रीहरूले प्रति पटक २० रुपैयाँ शुल्क तिर्नुपर्ने व्यवस्था छ। साइकल यात्री तथा पैदल यात्रीहरूका लागि भने कुनै शुल्क नलाग्ने निर्णय गरिएको छ।

कमला नदीमा मर्मत गरिने पक्की पुल पूर्ण रूपमा निर्माण नहुँदासम्म यस काठे पुलको विकल्पको रूपमा संचालन गरिने बताइएको छ। स्थानीय प्रशासनले यो अस्थायी व्यवस्था सर्वसाधारणलाई सुविधा दिन बनाइएको उल्लेख गरेको छ।