थाङ्मीचागु टककम सम्बादाता २४ भदौ २०८१

मिक्लाजुङमा भदौ २९ गतेदेखि अन्तर वडा फुटबल सुपर लिग सुरु हुने

मधुमल्ला/ मोरङको मिक्लाजुङ गाउँपालिका वडा नं. ४ युथ क्लबको आयोजनामा मिक्लाजुङ-४ मा अन्तर वडा फुटबल सुपर लिगको आयोजना हुने भएको छ। यो लिग भदौ २९ गतेबाट सुरु हुनेछ, जसमा वडा नं. ४ का ६ क्लबको सहभागिता रहनेछ। सहभागी क्लबहरूले मिक्लाजुङ गाउँपालिकाका अन्य वडाका दुई खेलाडी खरिद गरी लिगमा सहभागी गराउन पाउने व्यवस्था छ।

खेलको उद्देश्य स्थानीय खेलाडी उत्पादन र युवा खेलाडीलाई प्रोत्साहन गर्नु हो। लिगको फाइनल खेल वडा नं. ६ लालमाटी खेलमैदानमा हुनेछ। प्रथम हुने टोलीले नगद ३० हजार र दोस्रो हुनेले नगद २० हजारसहित ट्रफी, मेडल, र प्रमाणपत्र प्राप्त गर्नेछन्।