लोकतान्त्रिक थामी सङ्घ नेपालको प्रथम राष्ट्रिय अधिवेशन तयारी तीव्र, च्यासलमा दोलखाली एमाले नेता–कार्यकर्ताको भेला सम्पन्न।।
2026-11-21बंगलादेशमा आन्दोलन चर्कियो हिंसा र आगजनीका घटनाले जनजीवन प्रभावित
2026-11-20
नागरिकता पाएपछि प्रधानमन्त्रीलाई भेट्न पुगे प्रकाश
नागरिकता पाएपछि प्रधानमन्त्रीलाई भेट्न पुगे प्रकाश
थाङमिचागु डटकम संवाददाता

काठमाडौं – ‘हेर्ने कथा’ को ‘हराएका वर्ष’मार्फत चर्चामा आएका प्रकाश तामाङले प्रधानमन्त्री केपी शर्मा ओलीसँग भेट गरेका छन् ।
प्रधानमन्त्री ओलीले सोमबार साँझ प्रकाशसँग भेटवार्ता भएको सामाजिक सञ्जाल मार्फत जानकारी दिएका हुन् । नेपाली नागरिकता पाएलगत्तै काठमाडौं आएका प्रकाशले बालुवाटार पुगेर ओलीलाई भेटेका हुन् । भेटमा प्रकाशले प्रधानमन्त्रीलाई आफ्नो नागरिकता समेत देखाएका थिए ।
प्रकाशसँगको भेटपछि प्रधानमन्त्रीले फेसबुकमा लेखेका छन्, ‘प्रकाश तामाङ नागरिकता बनाएर आज साँझ भेट्न आउनुभयो । नागरिकता बनेपछि उहाँलाई अरु कुरामा पनि सहज हुन्छ। खुसी लाग्यो।’
करिब ३५ वर्ष अगाडी बाल्यकालमा नै काठमाडौंको जोरपाटीबाट हराएका प्रकाशकाे ‘हेर्ने कथा’मार्फत भोजपुरमा रहेका परिवारसँग भेट भएकाे थियाे । उनलाई हेर्ने कथाकाे टाेलीले गोरखाको चुमभ्यालीमा भेटाएको थियो ।





