संसद बिजनेसविहीन बनेपछि समितिमा रहेका विधेयकबारे सभामुखको चासो

थाङ्मीचागु डटकम सम्बादाता
साउन १६, २०८१ बुधबार

काठमाडौं : प्रतिनिधिसभाका सभामुख देवराज घिमिरेले संसदीय समितिमा रहेका विधेयकको अवस्थाका बारेमा चासो देखाएका छन्।

संसद बिजनेसविहीन भएपछि सभामुख घिमिरेले विभिन्न समितिका सभापतिहरूसँग छलफल गर्दै समितिमा विचाराधीन रहेका विधेयकहरूको अवस्थाका बारेमा चासो देखाएका हुन्।

उनले निरन्तर छलफल गरेर विचाराधीन रहेका विधेयकहरूलाई टुङ्गोमा पुर्‍याउन आग्रह गरे। छलफल पछि उद्योग समितिका सभापति अब्दुल खानले समितिमा रहेका विधेयकको अवस्थाका बारेमा सभामुखले जिज्ञासा राखेका थिए। त्यस्तै समितिमा रहेका समस्याहरूका बारेमा पनि सभामुखले जानकारी लिएका थिए।